سیم‌پأیه کشئه درن جنگله تنگؤمأ کونن،
وختی تو نیسأی.
مردومؤنˇ سر الؤن،
همّه تینن خاک فوکونن،
وختی تو نیسأی.
آسمؤن هرگی بوراقأ نبنه
کی سبزˇ وارؤنیْ فدِه؛
وختی تو نیسأی.
می دیل افتؤ نوکؤنه
کی تی یاراوخؤنأ جی
هنده می چوشمؤنˇ سیفیدی گول بده،
وختی تو نئیسأی.
امّا خؤ! اینه بودؤن؛
امه دیم، زرد و هوا، سرد و زمین، سورخه ریفئق
وختی تو نیسأی!
می پیلأقه بو
اونی کی شؤدره
اونِ پوشتِ سر می کار
دئه غوصّه خنده بؤدره