گرمˇ بادؤن تمنأ بؤن
ایسه دئه،
برفˇ نوبه΄کی فدئه
زمینˇ زردی بزئه سورخئه،
سیفیدی وأسینه!
گونن تمرین گودن، گوتن ندأنه
نمأیته خاکˇ مئن موتن ندأنه
نمأیته خاکˇ مئن می ریشه قورصه
چوتؤ تینم بوشوم؟ سوتن ندأنه؟!
نفأمسم
ندئم
تنأم هیچچی نوتی..!
دئه دیرأ بؤبو،
تی دیل،
می تام بزئه ونگˇصدا
اؤجا ندأ..
دئه دیرأ بؤبو و بارؤن خوشه ترکنئه دبو..
دئه دوخؤن نداشت زمینˇ ژگله..
دئه دیرأ بؤبو و دارؤنˇ صدا،
بیرین امأنˇ شی نبو..
دئه دیرأ بؤبو و بارؤن..
گرمˇ بادی زمتؤن،
دئه هرگی مأ
خؤ نگینه..!
۷ دی ئه به!